मुंबई : संगीत क्षेत्रातील एक मोठं नाव म्हणजे ए. आर. रहमान, आज त्यांच्या संगीताने देशालाच तर जगाला वेड लावले आहे. ते ऑस्कर पुरस्काराचे मानकरी आहेत. ‘स्लमडॉग मिलियनर’ चित्रपटासाठी त्यांना हा पुरस्कार मिळाला होता. तामिळ चित्रपटाचं नव्हे तर हिंदी चित्रपटांना त्यांनी संगीत दिल आहे. भारतीय चित्रपटसृष्टीतदेखील त्यांना अनेक पुरस्कार मिळाले आहेत. नुकतंच त्यांनी मुलाखतीत ‘आर आर आर’ चित्रपटाचे दिग्दर्शक राजमौली यांच्याबद्दल प्रतिक्रिया दिली आहे.
बॉलिवूड बबलला दिलेल्या मुलाखतीत ए. आर. रहमान असं म्हणाले, ‘मी जेव्हा मगधीरा चित्रपट बघितला तेव्हाच मला कळले होते हा माणूस ( राजामौली) काय करू शकतात ते, जेव्हा त्यांनी बाहुबली चित्रपट केला आणि तो मी पहिल्यांदा पहिला तेव्हा मी थक्क झालो. तेलगू चित्रपटसृष्टीचा त्यांनी गौरव केला आहे’. तसेच ते पुढी म्हणाले ‘PS १ चित्रपटाचे दिग्दर्शक मणी रत्नम हे माझे खूप चांगले मित्र आहेत. मी त्याच्याबरोबर अनेक वर्ष काम केले आहे’.