मुंबई : अभिनेता सलमान खानचे आगामी चित्रपट खूप चर्चेत आहेत. गेले अनेक महिने त्याचे चाहते ‘टायगर ३’ची वाट पाहत आहेत. सलमान त्याचे चित्रपट प्रामुख्याने ईदला प्रदर्षित करतो. त्यामुळे २०२२ च्या ईदला ‘टायगर ३’ प्रदर्शित होईल असे बोलले जात होते. मात्र, यावर्षी हा चित्रपट प्रदर्शित झाला नाही. आता या चित्रपटाबद्दल एक मोठी बातमी समोर आली आहे. ती म्हणजे आता हा चित्रपट ईदला नव्हे तर एका दुसऱ्या सणाला प्रदर्शित केला जाणार आहे.
अनेक वर्षांपासून ईदला सलमान खानचा चित्रपट पाहायला मिळतो. पण गेल्या वर्षी कोरोनामुळे चित्रपटगृहे बंद असल्याने प्रेक्षकांना सलमानचा चित्रपट पाहता आला नाही. तसेच यंदाच्या ईदलाही सलमानने त्याचा चित्रपट प्रदर्शित केला नाही. त्यामुळे पुढच्या वर्षी ईदला ‘टायगर ३’ प्रदर्शित होणार असे त्याच्या चाहत्यांना वाटत होते. पण पुढील वर्षीच्या ईदलाही सलमान हा चित्रपट प्रदर्शित करणार नसल्याने चाहत्यांची थोडी निराशा झाली.आता अखेर ‘टायगर ३’ हा चित्रपट पुढील वर्षी दिवाळीला प्रदर्शित करण्याचा निर्णय त्याने त्यांनी घेतला आहे. सध्या तरी निर्मात्यांनी ‘टायगर ३’च्या प्रदर्शनाची तारीख बदलण्याचे कारण स्पष्ट केले नसले तरी सलमानचे आधीचे चित्रपट अपयशी झाल्याने हा निर्णय घेण्यात आल्याची कुजबुज सोशल मीडियावर सुरु झाली आहे. तर काही जण या चित्रपटाच्या पोस्ट प्रोडक्शनचे काम राखडल्याने हा निर्णय घेण्यात आल्याचे बोलत आहेत.