मुंबई : ज्या अभिनेत्याच्या चित्रपटाची प्रेक्षक आतुरतेनं वाट पाहत आहेत त्या दृष्यम 2 चा ट्रेलर आज प्रदर्शित झाला आहे. त्याला प्रेक्षकांकडून तुफान प्रतिसाद मिळत असल्याचे दिसून आले आहे. गेल्या काही दिवसांपूर्वी दृष्यमची चर्चा होती. त्याच्या टीझरचं प्रेक्षकांनी कौतूक केलं होतं. रहस्य. उत्कंठावर्धक आणि पावलोपावली प्रेक्षकांना विचार करण्यास प्रवृत्त करणारा दृष्यम प्रेक्षकांचे आगामी आकर्षण आहे. त्याच्या पहिल्या भागापासून प्रेक्षकांना वेडावून टाकले होते. अजय देवगणचा प्रभावी अभिनय, आणि दमदार संवाद, यामुळे दृष्यमला साऊथची कॉपी असूनही चांगला प्रतिसाद मिळाला होता.
त्याची बरीच चर्चाही होती. तब्बल सात वर्षानंतर या चित्रपटाचा दुसरा भाग आता प्रेक्षकांच्या भेटीला येणार आहे.चित्रपटाविषयी सांगायचे झाल्यास अभिनेता अजय देवगणच्या दृष्यमचा पहिला भाग हा 2015 मध्ये प्रदर्शित झाला होता. त्याचे दिग्दर्शन निशिकांत कामतनं केले होते. पहिल्या भागामध्ये अजयच्या सोबत श्रिय़ा सरन, तब्बु, इशिता दत्ता दिसले होते. आता दृष्यम 2 मध्ये काही नवे चेहरे दिसणार आहेत. हा चित्रपट 18 नोव्हेंबरला प्रदर्शित होणार आहे.