कोल्हापूर : लग्नाचे आमिष दाखवून तृतीय पंथीयावर अनैसर्गिक अत्याचार करून आर्थिक लुबाडणूक, मारहाण केल्याप्रकरणी ऋषिकेश बबन परमाज (रा.हेरले,ता.हातकणंगले) याच्या विरोधात जयसिंगपूर पोलीस ठाण्यात गुन्हा दाखल करण्यात आला आहे.
३४ वर्षीय फिर्यादी पीडिता तृतीयपंथीय घरकाम, देवदासी असून परिवारासह कबनूर (ता.हातकणंगले) येथे राहण्यास आहे. मे २०१८ मध्ये इचलकरंजी येथे ऋषिकेशशी ओळख आणि नंतर प्रेम संबंध निर्माण झाले. ऋषिकेशने लग्नाचे आमिष दाखवून इच्छेविरुद्ध शारीरिक संबंध ठेवले. ९ जुलै रोजी अथणी जि.बेळगाव येथील एका मंदिरात दोघांनी लग्न केल्यानंतर वकिलांकडे कायदेशीर कागदपत्रे तयार केली. दोघांचाही एकत्र संसार सुरू असताना त्याने कामधंद्यासाठी साडेतीन लाख रुपये घेतले. तर १७ ऑगस्ट रोजी जयसिंगपूर येथे त्याने सोन्याचे दागिने काढून घेवून येथेही अनैसर्गिक अत्याचार केला. यावेळी त्याच्यासोबत त्याचे इतर दोन अनोळखी साथीदार होते. मारहाण करुन कोणास न सांगण्याची धमकी देत त्यांनी घरी सोडले, असे फिर्यादीत म्हटले आहे.