दिल्ली: दिल्लीतील प्रसिद्ध अबकारी घोटाळा प्रकरणी उपमुख्यमंत्री मनीष सिसोदिया यांची चौकशी संपली. मनीष सिसोदिया यांची सीबीआयच्या पथकाने तब्बल 9 तास चौकशी केली. मनीष सिसोदिया सीबीआय कार्यालयातून बाहेर पडले. तपास पथकाने या घोटाळ्याशी संबंधित अनेक महत्त्वाचे प्रश्न-उत्तरे सिसोदिया यांना विचारली. याआधी सोमवारी मनीष सिसोदिया यांच्या या चौकशीला आम आदमी पार्टीच्या अनेक नेत्यांनी विरोध केला होता. मनीष सिसोदिया सकाळी 11.15 वाजता दिल्लीतील सीबीआय मुख्यालयात पोहोचले होते. त्यानंतर सुमारे 9 तासांच्या चौकशीनंतर मनीष सिसोदिया काही वेळापूर्वी सीबीआय कार्यालयातून बाहेर आले.
चौकशीनंतर सीबीआय कार्यालयातून बाहेर आलेले मनीष सिसोदिया म्हणाले की, मला वाटते की येथे घोटाळ्याचा काही मुद्दा नव्हता. हे संपूर्ण प्रकरण बनावट आहे. हे प्रकरण कोणत्याही तपासासाठी नसून ऑपरेशन लोटस यशस्वी करण्यासाठी करण्यात आले आहे. तर काही मीडिया रिपोर्ट्समध्ये असे म्हटले जात आहे की, सीबीआय आता या प्रकरणात मनीष सिसोदिया यांच्या उत्तरांचे विश्लेषण करेल. त्यांच्या उत्तरावर सीबीआयचे समाधान झाले नाही, तर त्यांना पुन्हा चौकशीसाठी बोलावले जाऊ शकते, असे बोलले जात आहे.
तत्पूर्वी, सीबीआयने रविवारी मनीष सिसोदिया यांना समन्स बजावले होते आणि त्यांना सोमवारी चौकशीसाठी हजर राहण्यास सांगितले होते. मनीष सिसोदिया यांच्या चौकशीवरून आम आदमी पक्षाचे खासदार संजय सिंह आणि इतर पक्षाच्या कार्यकर्त्यांनी दिल्लीतील सीबीआय मुख्यालयाबाहेर निदर्शने केली. यानंतर तेथे उपस्थित सुरक्षा कर्मचाऱ्यांनी संजय सिंह आणि अन्य काही कार्यकर्त्यांना ताब्यात घेतले.
याआधी आम आदमी पक्षाच्या काही नेत्यांनीही मनीष सिसोदिया यांना सोमवारी सीबीआय अटक करणार असल्याचे सांगितले होते. सौरभ भारद्वाज म्हणाले की, सिसोदिया यांना अटक झाली तर गुजरातमधील आमची मोहीम अधिक मजबूत होईल. त्यांना का अटक केली जाते हे लोकांना माहीत आहे. सीबीआय, ईडीकडे आमची तक्रार नाही. मनीष सिसोदिया तुरुंगात गेले तर आमचे सन्मान आणखी उंचावेल.सीबीआय चौकशीत सहभागी होण्यापूर्वी सकाळी सिसोदिया म्हणाले होते की, 'मला अटक झाली तर पश्चात्ताप करू नका, पण अभिमान बाळगा. देशासाठी बलिदान देण्याची संधी मिळाली ही माझ्यासाठी अभिमानाची बाब आहे.