नवी दिल्लीः विमान आणि अग्निशमन दलाच्या गाडीचा विचित्र अपघात झाला आहे. यामध्ये दोन जणांचा मृत्यू झाल्याची माहिती मिळतेय.पेरु येथील लिमा एअरपोर्टवर आज ही घटना घडली. याचा धक्कादायक व्हीडिओदेखील समोर आलेला आहे. एलएटीएस एअरलाईन्सचा एक विमान जॉर्ज चावेज आंतरराष्ट्रीय विमानतळावर रन वेवर धावत होतं. एवढ्यात एक फायर ब्रिगेडचा ट्रक रन वेवर आला. हे विमान त्या ट्रकला धडकलं.या अपघातामध्ये ट्रकमधील दोघांचा मृत्यू झाला आहे. तर विमानातील प्रवाशी सुरक्षित आहेत. हा व्हीडिओ सोशल मीडियावर व्हायरल होत आहे. या घटनेमध्ये विमानाच्या खालच्या बाजूला आग लागली होती.
