मुंबई: बिग बाॅसच्या घरात गेल्या अनेक दिवसांपासून मोठा हंगामा होताना दिसत आहे. घरातील सदस्य जोरदार भांडणे करत आहेत. यावेळी सलमान खानने एका स्पर्धकाला घराबाहेरचा रस्ता दाखवला आहे. शो 12 फेब्रुवारीपर्यंत वाढवण्यात आल्याची माहिती आहे. बिग बॉस 16 चा टीआरपी देखील चांगला चालला आहे. सलमान खानने अशा एका स्पर्धकाला बाहेर काढले आहे ज्याच्या जाण्याने प्रेक्षकांना जास्त वाईट वाटणार नाही.काही आठवड्यांपूर्वी, दोन वाईल्ड कार्ड स्पर्धकांनी घरात प्रवेश केला होता, विकास मानकतला आणि श्रीजिता डे. या दोघांपैकी यावेळी विकासला बेघर करण्यात आले.
बिग बॉसच्या घरातून बाहेर आल्यानंतर विकास मानकतलाने मीडियाला दिलेल्या मुलाखतीत सर्व स्पर्धकांबद्दल मोकळेपणाने बोलले. विकासने सांगितले की सुरुवातीच्या दिवसांत त्याला घरी कसे त्रास सहन करावे लागले. विकास म्हणाला, 'घरात ग्रुप तयार झाले आहेत आणि त्या लोकांनी मला त्यांच्यात मिसळण्याची संधीही दिली नाही. मला वाटते की मी चांगली कामगिरी करू शकलो असतो, पण मला संधी मिळाली नाही.याशिवाय विकास अर्चना गौतमबद्दल बोलला. विकास म्हणाला, 'अर्चनाच्या असभ्यपणाकडे नेहमीच दुर्लक्ष केले जाते. अनेकवेळा तिला फटकारले जाते, पण ज्या पद्धतीने तिला फटकारले पाहिजे तसे केले जात नाही. मनोरंजन करणे, योग्य मुद्द्यांवर लढणे या खेळात सर्व काही ठीक आहे, परंतु लोकांच्या भावनांचा फायदा घेणे चुकीचे आहे'.
विकास म्हणतो की तो पुन्हा एकदा शोमध्ये जाण्यासाठी तयार आहे. पण अर्चना आणि शिव ठाकरे यांना भेटायचे नाही. दुसरीकडे, यावेळी वीकेंड का वारमध्ये सलमान खानने अर्चना गौतमला समजावले होते. त्याच वेळी, ज्येष्ठ अभिनेते धर्मेंद्र, जन्नत जुबेर, कृष्णा अभिषेक, करण कुंद्रा आणि राजीव अदातिया नवीन वर्षाचे सेलिब्रेशन करण्यासाठी शोमध्ये पोहोचले होते.