चेन्नई: चेन्नईमधल्या एका २१ वर्षीय तरुणाचा वजन कमी करण्याच्या गोळ्या खाल्ल्याने मृत्यू झाला आहे. याचं नाव सूर्या असं असून तो एका दूध कंपनीमध्ये विक्रेता म्हणून काम करतो.सूर्याने डॉक्टरांचा सल्ला न घेता वजन कमी करण्याच्या गोळ्या घेतल्या होत्या. मात्र त्याच्या घरच्यांना या गोळ्या कोणत्या होत्या याविषयी माहिती नाही. या गोळ्यांचं प्रिस्क्रिप्शनही त्याच्याकडे आढळलं नाही. त्याच्या पालकांनी पोलिसांना दिलेल्या माहितीनुसार, तो गेल्या काही दिवसांपासून अशक्त आणि बारीक होऊ लागल होता.
अद्याप सूर्याच्या मृत्यूचं कारण समोर आलेलं नाही. त्याचा मृत्यू वजन कमी करण्याच्या गोळ्यांमुळे झाला की दुसरं काही कारण आहे, याचा तपास सुरू आहे. सूर्याचा मृतदेह आता शवविच्छेदनासाठी पाठवण्यात आला आहे.सूर्याला सतत वाटत होतं की त्याचं वजन जास्त आहे. त्याला त्याचे मित्रही सतत चिडवत होते. त्यामुळे तो वजन कमी करण्यासाठी डॉक्टरकडे जात होता. त्यावेळी त्याला त्याच्या मित्रांनी वजन कमी करण्याच्या गोळ्यांबद्दल ऑनलाईन माहिती घ्यायला सांगितलं. त्यामुळे त्याने खरेदी केल्या आणि खायला सुरुवात केली.