दिल्ली: अडचणीत सापडलेल्या अदानी समूहाचे प्रमुख गौतम अदानी यांनी शॉर्ट-सेलर हिंडेनबर्ग रिसर्चने लावलेल्या आरोपांचा सामना करण्यासाठी न्यूयॉर्कस्थित कायदेशीर फर्म वाचटेल लिप्टन रोसेन कॅट्झ यांना नियुक्त केले आहे. फायनान्शिअल टाईम्समधील वृत्तानुसार, अदानीच्या वकिलांनी 1965 मध्ये स्थापन झालेल्या वाचटेल या कायदेशीर कंपनीशी संपर्क साधला आहे.न्यूयॉर्कमध्ये Herb Wachtell, Martin Lipton, Leonard Rosen आणि George Katz या वकिलांच्या नेतृत्वाखालील ही फर्म आहे. कॉर्पोरेट गव्हर्नन्सची गुंतागुंतीची प्रकरणे हाताळण्यासाठी प्रसिद्ध आहे.
फर्मच्या वेबसाइटनुसार, 'हँडशेक' वर स्थापन झालेल्या फर्मने कंपनीचे विलीनीकरण आणि अधिग्रहण, धोरणात्मक गुंतवणूक, टेकओव्हर, शेअरहोल्डर, कॉर्पोरेट आणि सिक्युरिटीज कायदा, कॉर्पोरेट गव्हर्नन्स या क्षेत्रातील अनुभव असल्याचा दावा केला आहे.नॅशनल लॉ जर्नलने प्रसिद्ध केलेल्या 2022 NLJ 500 रँकिंगनुसार, Wachtell Lipton Rosen Katz कडे 288 वकील आहेत आणि ते US मध्ये 152 व्या क्रमांकावर आहेत.2022 च्या ग्लोबल 200 सर्वेक्षणात, Wachtell Lipton Rosen Katz यांना जगातील सर्वाधिक कमाई करणारी 55 वी लॉ फर्म म्हणून स्थान देण्यात आले होते.
वाचटेल फर्मचे प्रसिद्ध खटले :
9/11 च्या दु:खद घटना आणि यूएस आर्थिक संकटाशी संबंधित खटल्यांसह, गेल्या एक दशकात काही उच्च-प्रोफाइल प्रकरणांमध्ये वाचटेलने महत्त्वपूर्ण भूमिका बजावली आहे.अलिकडच्या वर्षांत, फर्मने केवळ ट्विटर एलॉन मस्क प्रकरण हाताळले, माजी व्यवस्थापनाने 2022 मध्ये 44 अब्ज डॉलर संपादन पूर्ण करण्यास नकार दिल्यानंतर फर्मने खटला भरला होता.याशिवाय, वाचटेलने मस्क आणि टेस्लाच्या खटल्यात टेस्ला समभागधारकांनी सोलार पॅनेल बनवणारी कंपनी सोलारसिटीच्या 2.6 अब्ज डॉलर संपादनाबाबत मांडलेल्या खटल्याचे प्रतिनिधित्व केले.दरम्यान, गेल्या आठवड्यात अदानींच्या शेअरमध्ये सातत्यानं मोठी पडझड झाली. अदानी एन्टरप्राईजेसनं शेअर्समध्ये घोटाळा केल्याचा आरोप करण्यात आला आहे. हिंडेनबर्गनं यासाठी अदानी ग्रुपला 'अनएथिकल शॉर्ट सेलर' असं म्हटलं आहे.यानंतर अदानी ग्रुपनं हिंडेनबर्गचा रिपोर्टमध्ये निव्वळ खोटेपणा असल्याचं म्हटलं आहे. दरम्यान, अदानी एन्ट्रप्राईजेस लिमिटेडचा पूर्णपणे विकला गेलेला 20,000 कोटींचा फॉलोऑन पल्बिक ऑफर (FPO) रद्द करण्याची नामुष्की ओढवली होती.