मुंबई: भारत दौऱ्यावर असलेला ऑस्ट्रेलिया संघ कसोटी नंतर तीन सामन्यांची एकदिवसीय मालिका खेळणार आहे. ही मालिका 17 मार्चपासून सुरू होणार असून पहिला सामना मुंबईतील वानखेडे स्टेडियमवर होणार आहे.वनडे मालिकेतील पहिल्या सामन्यासाठी दोन्ही संघांचे नियमित कर्णधार उपस्थित राहणार नाहीत. वानखेडेवर खेळल्या जाणाऱ्या पहिल्या सामन्यात हार्दिक पांड्या टीम इंडियाची धुरा सांभाळणार आहे, तर पॅट कमिन्सच्या अनुपस्थितीत स्टीव्ह स्मिथ ऑस्ट्रेलियाचे कर्णधारपद सांभाळणार आहे.
पहिला सामना कधी आणि कुठे होणार?
भारत आणि ऑस्ट्रेलिया यांच्यातील एकदिवसीय मालिकेतील पहिला सामना 17 मार्च शुक्रवारी मुंबईतील वानखेडे स्टेडियमवर खेळल्या जाणार आहे. भारतीय वेळेनुसार हा सामना दुपारी दीड वाजता सुरू होईल.
तुम्ही सामना थेट कुठे आणि कसा पाहू शकाल?
भारत आणि ऑस्ट्रेलिया यांच्यात खेळल्या जाणाऱ्या एकदिवसीय मालिकेचे थेट प्रक्षेपण स्टार स्पोर्ट्स नेटवर्कद्वारे केले जाणार आहे. त्याच वेळी डिस्ने प्लस हॉटस्टार अॅप आणि वेबसाइटद्वारे सामन्याचे थेट प्रसारण केले जाईल.
भारत-ऑस्ट्रेलियाचा एकदिवसीय सामन्यांचा विक्रम
भारत आणि ऑस्ट्रेलिया यांच्यात आतापर्यंत एकूण 143 एकदिवसीय सामने खेळले गेले आहेत, ज्यामध्ये ऑस्ट्रेलियाने 80 विजयांसह आघाडी घेतली आहे. त्याचबरोबर टीम इंडियाने आतापर्यंत एकूण 53 सामने जिंकले आहेत. यामध्ये 10 सामने अनिर्णित राहिले आहेत. या दोघांमध्ये ऑस्ट्रेलियाने 389 धावांची सर्वोच्च धावसंख्या उभारली आहे.
एकदिवसीय मालिकेसाठी भारतीय संघ - रोहित शर्मा (कर्णधार), शुभमन गिल, विराट कोहली, श्रेयस अय्यर, सूर्यकुमार यादव, केएल राहुल, इशान किशन (यष्टीरक्षक), हार्दिक पंड्या (उपकर्णधार), रवींद्र जडेजा, कुलदीप यादव, वॉशिंग्टन सुंदर, युझवेंद्र चहल, मोहम्मद शमी, मोहम्मद सिराज, उमरान मलिक, शार्दुल ठाकूर, अक्षर पटेल, जयदेव उनाडकट.
टीप- पहिल्या सामन्यात हार्दिक पांड्या भारतीचे कर्णधार असेल.
एकदिवसीय मालिकेसाठी ऑस्ट्रेलियन संघ - स्टीव्ह स्मिथ (कर्णधार), शॉन अॅबॉट, अॅश्टन आगर, अॅलेक्स कॅरी, नॅथन एलिस, कॅमेरॉन ग्रीन, ट्रॅव्हिस हेड, जोश इंग्लिस, मार्नस लॅबुशेन, मिचेल मार्श, ग्लेन मॅक्सवेल, मिचेल स्टार्क, मार्कस स्टॉइनिस, डेव्हिड वॉर्नर, अॅडम झाम्पा.