मुंबई: हॉरर-कॉमेडी चित्रपटांच्या चाहत्यांसाठी एक मोठी बातमी येत आहे. राजकुमार राव, अपारशक्ती खुराना आणि श्रद्धा कपूर स्टारर चित्रपट 'स्त्री'ला चाहत्यांनी प्रचंड प्रेम केले. या चित्रपटानंतर अनेक हॉरर कॉमेडी चित्रपट बनले आहेत. मात्र, तीच 'स्त्री' आजही चाहत्यांच्या हृदयात जिवंत आहे.आता ही स्त्री पुन्हा एकदा चित्रपटगृहात परतणार असल्याची बातमी समोर येत आहे. एवढेच नाही तर स्त्री 2 ची रिलीज डेट देखील जाहीर करण्यात आली आहे. त्यानंतर आता चाहत्यांची प्रतीक्षा आणखी वाढली आहे. यापूर्वी अशी अपेक्षा होती की Stree 2 यावर्षी रिलीज होऊ शकेल, पण त्याची ऑफिशियल डेट पुढील वर्षी आहे. त्यामुळे चाहत्यांची प्रतीक्षा आणखी लांबली आहे.
गेल्या वर्षी प्रदर्शित झालेल्या वरुण धवन आणि क्रिती सेनॉनच्या 'भेडिया' या चित्रपटालाही चाहत्यांचा चांगला प्रतिसाद मिळाला आहे. आता वरुण धवन स्टारर 'भेडिया 2' चीही अधिकृत घोषणा करण्यात आली आहे. चित्रपटाची रिलीज डेटही जाहीर झाली आहे.राजकुमार रावच्या 'स्त्री 2' या चित्रपटाबद्दल चाहते खूप उत्सुक आहेत. काल Jio सिनेमाचा एक मोठा इव्हेंट आयोजित करण्यात आला आहे, जिथे 100 हून अधिक आगामी चित्रपटांची घोषणा करण्यात आली आहे. यासोबतच स्त्री 2 आणि भेडिया 2 सारख्या हॉरर कॉमेडी चित्रपटांची रिलीज डेटही समोर आली आहे.
'स्त्री' पुढच्या वर्षी परतत आहे. 31 ऑगस्ट 2024 रोजी रिलीज होणारा Stree 2 पाहण्यासाठी चाहते आतुरतेने वाट पाहत आहेत. तसेच वरुण धवनने भेडिया पार्ट 2 ची रिलीज डेट सांगून माहिती दिली आहे की हा चित्रपट 2025 साली प्रदर्शित होणार आहे.स्त्री 2 ची रिलीज डेट समोर आल्यानंतर आता चित्रपटाचा दुसरा भाग देखील त्याच जुन्या स्टारकास्टसह बनवला जाणार आहे, अशी अपेक्षा आहे, चित्रपटाच्या शूटिंगबाबतचे अपडेट्सही लवकरच समोर येऊ शकतात.