मुंबई: बॉलीवूडचा भाईजान म्हणून ओळखल्या जाणाऱ्या सलमान खानच्या किसी का भाई किसी की जान नावाच्या चित्रपटाचा काल ट्रेलर प्रदर्शित झाला. त्याला प्रेक्षकांचा चांगला प्रतिसाद मिळाला. सोशल मीडियावर त्यावरुन वेगवेगळ्या प्रतिक्रियाला उधाण आले आहे. दुसरीकडे त्याचे मीम्सही व्हायरल झाले आहे.गेल्या काही दिवसांपासून सलमानच्या चाहत्यांना त्याच्या या नव्या चित्रपटाच्या ट्रेलरची उत्सुकता होती. तो प्रदर्शित झाल्यानंतर मात्र त्याला संमिश्र स्वरुपाच्या प्रतिक्रिया आल्या आहेत. कित्येक नेटकऱ्यांनी सलमानवर सडकून टीका केल्याचे दिसून आले आहे. सलमानचे वय, त्याचे दिसणे, त्याची ती नेहमीचच स्टाईल आणि तो स्वॅग यावरुन चाहत्यांनी त्याला प्रतिक्रिया भलत्याच गंमतीशीर आहे. त्यावरुन त्याला मोठ्या प्रमाणात ट्रोलही करण्यात आले आहे.
सलमाननं त्याच्या चित्रपटाचे प्रमोशन करताना बॉलीवूडचे चित्रपट चालत का नाहीत असा प्रश्न उपस्थित केला होता. त्यानंच या प्रश्नाचे उत्तरही दिले होते. तो म्हणाला, मला वाटतं आम्हीच चांगले चित्रपट तयार करत नाही. त्यामुळे आमचे चित्रपट पाहायला कुणी येत नाही. प्रेक्षकांना त्याच त्या गोष्टी नको आहेत त्यामुळे त्यांना रटाळपणा जाणवल्यानं लाखो प्रेक्षकांनी हिंदी चित्रपटापासून फारकत घेतल्याचे सलमाननं म्हटले आहे.यानंतर त्यानं किसी का भाई किसी की जान हा त्याचा चित्रपट चालला नाही तर काय होईल, यावर देखील प्रतिक्रिया दिली आहे. त्यामध्ये तो म्हणतो, हा चित्रपट हिट होणं महत्वाचं आहे. माझी खूप इच्छा आहे. या चित्रपटानं बॉक्स ऑफिसवर चांगली कमाई करावी. मात्र तसे झाले नाहीतर त्याचे सगळे बिल हे माझ्याच नावावर येईल. त्याची जबाबदारी मला घ्यावी लागणार आहे. यापूर्वी सलमानचा अंतिम नावाचा चित्रपट प्रदर्शित झाला होता. तो फ्लॉप झाला.चित्रपट चालला नाहीतर लोकं काय म्हणणार की, याच माणसामुळे चित्रपट चालला नाही. ते सगळा दोष मलाच देणार, त्यामुळे तसे झाल्यास मी ती सगळी जबाबदारी घेईल. या चित्रपटाची ओरिजनल स्क्रिप्ट ही अजुनही माझ्याजवळ असल्याचे सलमाननं यावेळी म्हटले आहे. किसी का भाई किसी की जान नावाचा चित्रपट हा २१ एप्रिल रोजी प्रदर्शित होणार आहे.