हिंदी मालिका विश्व हादरलं आहे. गेल्या तीन दिवसांत तीन कलाकरांची अकाली एक्झिट झाल्यानं इतर कलाकारांना मोठा धक्का बसला आहे. अभिनेता आदित्यसिंग राजपूतचा मृतदेह बाथरुममध्ये आढळला, त्यानंतर काल अभिनेत्री वैभवी उपाध्यायचा अपघाती मृत्यू आणि आज नितेश पांडेंचा हार्ट अटॅकनं मृत्यू. या तिघांच्या मृत्यूनं हिंदी मालिकाविश्वावर शोककळा पसरली आहे.
नितेश पांडे
नितिश पांडे यांच्या आकस्मित निधनानं त्यांचे कुटुंबिय आणि चाहत्यांना मोठा धक्का बसला आहे. वयाच्या ५० व्या वर्षी त्यांनी अखेरचा श्वास घेतला. लेखक सिद्धार्थ नागर यांनी नितेश यांच्या निधनावर शोक व्यक्त केला.त्यांनी पोस्ट शेअर करत नितेश यांच्या निधनाबद्दल सांगितलं. 'हे खरं आहे, मी एका कार्यक्रमाला गेलो होतो. तिथून परत येताना मला नितेश यांच्या निधनाबद्दल समजलं. त्यांनी सांगितलं की, नितेश शुटिंगसाठी मुंबईबाहेर गेले होते. तिथं त्यांना रात्री १: ३०च्या दरम्यान कार्डियक अरेस्ट आला', असं त्यांनी सांगितलं.
वैभवी उपाध्याय
साराभाई व्हर्सेस साराभाई फेम अभिनेत्री वैभवी उपाध्याय हिचं रस्ते अपघातात निधन झालं. ती ३२ वर्षांची होती. मंगळवारी दुपारी १ च्या सुमारास हिमाचल प्रदेश इथं अपघाती निधन झालं. आज दुपारी ११ वाजेपर्यंत अभिनेत्रीवर मुंबईत अंत्यसंस्कार करण्यात येतील.
वैभवीनं २०२० मध्ये प्रसिद्ध अभिनेत्री दीपिका पादुकोणसोबत 'छपाक' आणि 'तिमिर' (२०२३) या चित्रपटांमध्ये काम केलं होतं. गुजराती थिएटर जगतात अभिनेत्रीचं मोठं नाव होतं. टीव्ही शो 'साराभाई वर्सेस साराभाई' व्यतिरिक्त, वैभवीने 'क्या कसूर है अमला का' आणि 'प्लीज फाइंड अटॅच्ड' या डिजिटल सीरिजमध्येही काम केलं आहे.
आदित्य सिंग राजपूत
छोट्या पडद्यावरील अभिनेता आदित्यसिंह राजपूत याचा सोमवारी मृत्यू झाला. अंधेरीतील त्याच्या घराच्या बाथरूममध्ये तो मृतावस्थेत आढळला. अंमली पदार्थाचं अतिसेवन केल्यानं आदित्यचा मृत्यू झाल्याचं म्हटलं जात आहे. मात्र, शवविच्छेदनाच्या अहवालातूनच नेमकं कारण स्पष्ट होईल, असं पोलिसांनी म्हटलं आहे.
ओशिवरा येथील आदित्यच्या राहत्या घरी दुपारी घरकाम करणारी महिला आली. त्या वेळी तिने आदित्यला बाथरूममध्ये पडलेले पाहिले. तिनं आजूबाजूच्या रहिवाशांना आणि आदित्यच्या मित्रांना याबाबत कळविले. मित्रांनी त्याला तत्काळ रुग्णालयात नेले. मात्र, उपचारासाठी दाखल करण्यापूर्वीच त्याला मृत घोषित करण्यात आले. दोन दिवसांपासून तो आजारी होता, असेही म्हटलं जात आहे. या प्रकरणी ओशिवरा पोलिस ठाण्यात अपमृत्यूची नोंद करण्यात आली आहे.
नितिश पांडे यांच्या आकस्मित निधनानं त्यांचे कुटुंबिय आणि चाहत्यांना मोठा धक्का बसला आहे. वयाच्या ५० व्या वर्षी त्यांनी अखेरचा श्वास घेतला. लेखक सिद्धार्थ नागर यांनी नितेश यांच्या निधनावर शोक व्यक्त केला.त्यांनी पोस्ट शेअर करत नितेश यांच्या निधनाबद्दल सांगितलं. 'हे खरं आहे, मी एका कार्यक्रमाला गेलो होतो. तिथून परत येताना मला नितेश यांच्या निधनाबद्दल समजलं. त्यांनी सांगितलं की, नितेश शुटिंगसाठी मुंबईबाहेर गेले होते. तिथं त्यांना रात्री १: ३०च्या दरम्यान कार्डियक अरेस्ट आला', असं त्यांनी सांगितलं.
वैभवी उपाध्याय
साराभाई व्हर्सेस साराभाई फेम अभिनेत्री वैभवी उपाध्याय हिचं रस्ते अपघातात निधन झालं. ती ३२ वर्षांची होती. मंगळवारी दुपारी १ च्या सुमारास हिमाचल प्रदेश इथं अपघाती निधन झालं. आज दुपारी ११ वाजेपर्यंत अभिनेत्रीवर मुंबईत अंत्यसंस्कार करण्यात येतील.
वैभवीनं २०२० मध्ये प्रसिद्ध अभिनेत्री दीपिका पादुकोणसोबत 'छपाक' आणि 'तिमिर' (२०२३) या चित्रपटांमध्ये काम केलं होतं. गुजराती थिएटर जगतात अभिनेत्रीचं मोठं नाव होतं. टीव्ही शो 'साराभाई वर्सेस साराभाई' व्यतिरिक्त, वैभवीने 'क्या कसूर है अमला का' आणि 'प्लीज फाइंड अटॅच्ड' या डिजिटल सीरिजमध्येही काम केलं आहे.
आदित्य सिंग राजपूत
छोट्या पडद्यावरील अभिनेता आदित्यसिंह राजपूत याचा सोमवारी मृत्यू झाला. अंधेरीतील त्याच्या घराच्या बाथरूममध्ये तो मृतावस्थेत आढळला. अंमली पदार्थाचं अतिसेवन केल्यानं आदित्यचा मृत्यू झाल्याचं म्हटलं जात आहे. मात्र, शवविच्छेदनाच्या अहवालातूनच नेमकं कारण स्पष्ट होईल, असं पोलिसांनी म्हटलं आहे.
ओशिवरा येथील आदित्यच्या राहत्या घरी दुपारी घरकाम करणारी महिला आली. त्या वेळी तिने आदित्यला बाथरूममध्ये पडलेले पाहिले. तिनं आजूबाजूच्या रहिवाशांना आणि आदित्यच्या मित्रांना याबाबत कळविले. मित्रांनी त्याला तत्काळ रुग्णालयात नेले. मात्र, उपचारासाठी दाखल करण्यापूर्वीच त्याला मृत घोषित करण्यात आले. दोन दिवसांपासून तो आजारी होता, असेही म्हटलं जात आहे. या प्रकरणी ओशिवरा पोलिस ठाण्यात अपमृत्यूची नोंद करण्यात आली आहे.