डिज्नी प्लस हॉटस्टारने क्रिकेट चाहत्यांना आनंदाची बातमी दिली आहे. आशिया चषक आणि आयसीसी पुरुष क्रिकेट विश्वचषक स्पर्धेसाठी मोबाईल वापरकर्त्यांना सबस्क्रिप्शनची गरज भासणार नाही. याचा अर्थ तुम्ही Hotstar अॅपवर आशिया चषक आणि विश्वचषकाचे सामने मोबाईलवर फ्री पाहू शकाल.
याआधी थेट क्रिकेट सामने पाहण्यासाठी होस्टरवर वर्षभराचे पैसे घ्यावी लागत होती. आशिया कपचे आणि एकदिवसीय विश्वचषकाचे लाइव्ह स्ट्रीमिंग हॉटस्टारवर होणार आहे.
आयपीएलच्या विक्रमी प्रेक्षकसंख्येनंतर डिस्ने स्टारने हा निर्णय घेतला आहे. कंपनीचा दावा आहे की 540 दशलक्षाहून अधिक मोबाइल वापरकर्त्यांना याचा फायदा होईल, ते विनामूल्य मोबाइलवर सामना पाहू शकतील.
गेल्या वर्षीपर्यंत भारतात खेळली जाणारी जगातील सर्वात मोठी क्रिकेट लीग IPL चे लाइव्ह स्ट्रीमिंग देखील Disney Plus Hotstar वर होते. परंतु यावर्षी डिस्ने स्टारने केवळ टेलिकास्टचे अधिकार राखून ठेवले होते, तर स्ट्रीमिंग बोली जिओने जिंकली होती. यावेळी जिओ सिनेमावर आयपीएलचे सामने मोफत स्ट्रीम होत होते.
क्रिकेट आशिया चषक पाकिस्तानात होणार होता, पण सुरक्षेच्या दृष्टीने बीसीसीआयला आपला संघ तिथे पाठवायचा नव्हता. आशिया चषक पाकिस्तानच्या बाहेर होणार असल्याचेही स्पष्ट झाले आहे.
आशिया चषक ज्या ठिकाणी होऊ शकतो तेथे श्रीलंकेचे नाव आघाडीवर आहे. आशिया चषक स्पर्धेचे संपूर्ण वेळापत्रक अद्याप आलेले नाही. भारतात होणार्‍या आशिया कपचे लाइव्ह स्ट्रीमिंग हॉटस्टारवर होणार आहे.
क्रिकेट विश्वचषक 2023 भारतात होणार आहे, जो ऑक्टोबर ते नोव्हेंबर दरम्यान खेळला जाणार आहे. विश्वचषकाला चार महिनेही बाकी आहे. 2019 च्या विश्वचषक स्पर्धेचे वेळापत्रक 13 महिने आधीच आले होते यावरून त्याच्या वेळापत्रकातील विलंबाचा अंदाज लावला जाऊ शकतो.
2015 विश्वचषक स्पर्धेचे वेळापत्रक 18 महिने अगोदर जाहीर करण्यात आले होते. विश्वचषकाचे वेळापत्रक पुढील आठवड्याच्या अखेरीस येऊ शकते. बीसीसीआयने वेळापत्रक आयसीसीला सादर केल्यानंतर आयसीसी इतर संघ आणि प्रसारकांशीही चर्चा करेल.