सकाळी ब्रश केल्यानंतर तुमच्या हिरड्यांमधून रक्त येतंय का? असं होत असेल तर त्याची अनेक कारणं आहेत. पायरिया असल्याने अनेकांना हिरड्यांमधून रक्त येण्याचा त्रास होतो. तसंच हिरड्या कमकुवत होऊ लागल्या आणि सूज येऊ लागल्यानंतर ब्रश केल्यावर त्यातून रक्त येते.
हिरड्यांमधून रक्त येण्याची समस्या असेल तर घाबरण्याची अजिबात गरज नाही. कारण ही कॉमन समस्या आहे. दातांना कीड लागणे, दात पिवळे होणे यामुळे हिरड्यांवर परिणाम होतो. मात्र सतत हिरड्यांमधून रक्त येत असेल तर मात्र डॉक्टरांना दाखवणे अत्यंत गरजेचे आहे. तत्पूर्वी तुम्ही घरगुती उपाय करून यावर तोडगा काढू शकता. नक्की कोणते घरगुती उपाय करता येतील जाणून घ्या.
हिरड्यांमधून रक्त येण्याची कारणे
Cleveland Clinic.org मध्ये दिलेल्या अहवालानुसार, विटामिन सी, के यांच्या कमतरतेमुळे शरीरातील हार्मान्समध्ये अनेक चढउतार होतात आणि याचा हिरड्यांवर परिणाम होतो. तसंच डायबिटीस, मेनोपॉज, गरोदरपणा आणि हिरड्यांचे आजार यामुळे हिरड्यांमधून रक्त येऊ लागते.
ही समस्या दूर करण्यासाठी ओरल हेल्थवर लक्ष केंद्रीत करण्याची अत्यंत गरज आहे. दिवसातून २ वेळा दात घासयलाच हवेत आणि फ्लॉस नक्की करावे.
मुलायम ब्रशचा वापर
तुम्हाला दातांची अथवा हिरड्यांमधून रक्त येण्याची समस्या असेल तर तुम्ही नियमित मुलायम आणि मऊ अशा ब्रशची निवड करावी. अधिक कडक ब्रशमुळे हिरड्या सोलपटतात. यामुळे हिरड्यांना सूज येते आणि जखमही होऊ शकते. त्यामुळे त्यातून रक्त येण्याची समस्या निर्माण होते हे लक्षात घ्या. त्यामुळे वेळीच ब्रश बदला.
मिठाच्या पाण्याने चूळ भरा
जेव्हा हिरड्यांमधून रक्त येत असेल तेव्हा गरम पाण्यात मीठ मिक्स करा आणि या मिठाच्या पाण्याने चूळ भरा. तसंच तुम्ही अँटीबॅक्टेरियल माऊथवॉशचा वापरही करू शकता. अनेक मेडिकल स्टोअरमध्ये हे उपलब्ध असते. यामुळे तोंडातील बॅक्टेरिया मरतात आणि दुर्गंध येत नाही. तसंच हिरड्या मजूबत राहतात.
Smoking बंद करा
अनेकदा सिगारेट ओढण्यामुळे दात आणि हिरड्या खराब होतात अथवा यासंबंधित आजार निर्माण होतात. अधिक धुम्रपान केल्याने फुफ्फुस खराब होतेच, मात्र ओठही खराब होतात आणि हिरड्यांमधून रक्तही येते. त्यामुळे ही सवय वेळीच सोडा.
ऑईल पुलिंग
Oil Pulling मुळे दात आणि हिरड्यांच्या समस्या दूर होण्यास मदत मिळते. यामध्ये नारळाचे तेल तोंडात घेऊन तुम्ही ते तोंडात इथे तिथे चूळ भरताना करतो तसं करा. त्यानंतर तोंडातून बाहेर फेका. हा उपाय २-३ दिवस करून पाहा. यामुळे तुम्हाला फायदा मिळेल आणि हिरड्यांमधून रक्त येणे थांबेल.
कोरफडचा वापर
तुमच्या घरात कोरफड असेल तर ताज्या जेलचा वापर करा. जेल काढून ती दात आणि हिरड्यांवर नाजूक बोटांनी घासा. यामुळे हिरड्यांमधील रक्त येणे बंद होईल आणि दातांवरील पिवळटपणा कमी होण्यासदेखील मदत मिळते. कोरफड जेलचा नियमित वापर करून पाहा.