Reliance Jio नं JioTV Premium सब्सक्रिप्शनसह तीन नवीन प्लॅन लाँच केले आहेत. JioTV Premium मध्ये कंपनी १४ OTT अ‍ॅप्स जसे की JioCinema Premium, Disney+ Hotstar, ZEE5, SonyLIV, Prime Video (Mobile), Lionsgate Play, Discovery+, Docubay, Hoichoi, SunNXT, Planet Marathi, Chaupal, EpicON आणि Kanccha Lannka ऑफर करत आहे. ह्याचा अर्थ असा की JioPremium सह ग्राहकांना एकत्र अनेक OTT चं सब्सक्रिप्शन मिळत आहे. पहिल्यांदाच JioTV प्रीमियम प्लॅन सादर करण्यात आले आहेत, ह्याआधी JioTV मोफत वापरता येत होतं. चला नवीन प्लॅन्सची माहित घेऊ.
JioTV Premium सह आलेले तीन प्रीपेड प्लॅन
कंपनीनं तीन JioTV Premium प्लॅन लाँच केले आहेत. ह्यात ३९८ रुपये, ११९८ रुपये आणि ४४९८ रुपयांचा प्लॅनचा समावेश आहेत.
३९८ रुपयांचा प्लॅन
ह्या प्लॅनची वैधता २८ दिवस आहे. ह्यात युजर्सना २जीबी डेली डेटासह अनलिमिटेड कॉलिंगची सुविधा मिळत आहे. इतकेच नव्हे तर प्लॅनमध्ये १०० फ्री SMS देखील दिले जात आहेत. तसेच ह्या प्लॅनमध्ये युजर्सना १२ OTT प्लॅटफॉर्मचं सब्सक्रिप्शन मिळेल.
११९८ रुपयांचा प्लॅन
कंपनीच्या ह्या प्लॅनमध्ये २जीबी डेली डेटा मिळतो. सोबत १४ OTT प्लॅटफॉर्मचं फ्री सब्सक्रिप्शन मिळत आहे. ह्या प्लॅनची वैधता ८४ दिवस आहे.
४४९८ रुपयांचा प्लॅन
ह्या प्लॅनमध्ये कंपनी २जीबी डेली मिळत आहे. त्याचबरोबर ह्या पॅकसह युजर्स १४ OTT चं फ्री सब्सक्रिप्शन देखील मिळवता येईल. ह्या प्लॅनमध्ये देखील अनलिमिटेड कॉलिंगसह रोज १०० फ्री SMS मिळत आहेत. ह्याची वैधता ३६५ दिवस म्हणजे एक वर्ष आहे.
नवीन Add-On प्लॅनही आला
त्याचबरोबर कंपनीनं Add-On प्लॅन देखील लाँच केला आहे. ह्याची किंमत १४८ रुपये आहे. ह्यात युजर्सना १२ OTT चं सब्सक्रिप्शन मिळत आहे. ह्यात देखील अनलिमिटेड कॉलिंग आणि रोज १०० फ्री SMS मिळतील. ह्याची व्हॅलिडिटी २८ दिवस आहे.
विशेष म्हणजे ह्या सर्व नवीन प्लॅन्सचा लाभ घेण्यासाठी युजर्सना अ‍ॅपवर आपल्या रजिस्टर्ड मोबाइल नंबरनं साइन करावं लागेल. त्यानंतर होम स्क्रीनवर JioTV Premium टॅब मिळेल. इथून युजर्स हे नवीन प्लॅन सहज क्लेम करू शकतात.