रशिया-गोवा विमान उडवून देण्याची धमकी; २४० प्रवाशांचा जीव धोक्यात

रशिया: रशियाहून गोव्यात येणाऱ्या विमान उडवून देण्याच्या धमकीनंतर अलर्ट जारी करण्यात आला आहे.या विमानात अंदाजे दोन लहान मुलांसह २४० प्रवाशी प्रवास करत असून, सुरक्षेच्या कारणास्तव विमान उझबेकिस्तानला वळवण्यात आले आहे.मिळालेल्या माहितीनुसार, फ्लाइटमध्ये २ मुले, ७ क्रू मेंबर्ससह एकूण २४० प्रवासी आहेत. अजूर एअर लाईन्सचं हे विमान रिशियाच्या पेराम आंतरराष्ट्रीय विमानतळावरून गोव्याकडे निघाले होते.



मात्र, प्रवासादरम्यान, वैमानिकाला सुरक्षेसंबंधित अलर्ट जारी करण्यात आला. त्यानंतर आपतकालीन परिस्थितीत विमान उझबेकिस्तानकडे वळवण्यात आले आहे.अजूर एअर लाईन्सचे AZV2463 विमानाच्या वैमानिकाला विमानात बॉम्ब असल्याचा अलर्ट देण्यात आला. त्यानंतर सुरक्षेच्या कारणास्तव विमान उझबेकिस्तानकडे वळवण्यात आले आहे. हे विमान शनिवारी पहाटे ४.१५ वाजता गोव्यातील दाबोलीम विमानतळावर उतरणार होते.डाबोलिम विमानतळ संचालकांना रात्री १२.३० वाजता विमानात बॉम्ब ठेवला असल्याचा ईमेल मिळाला. त्यानंतर गोव्याकडे निघालेले विमान उझबेकिस्तानकडे वळवण्यात आले.

टिप्पणी पोस्ट करा

थोडे नवीन जरा जुने