मुंबई: बॉलिवूड इंडस्ट्रीचा मोस्ट अवेटेड चित्रपट 'किसी का भाई किसी की जान' लवकरच मोठ्या पडद्यावर दाखल होणार आहे. सलमान खानच्या या चित्रपटाची चाहते आतुरतेने वाट पाहत आहेत. आता सलमान खानने सोशल मीडियावर आपल्या चाहत्यांसाठी एक आनंदाची बातमी दिली आहे. ही आनंदाची बातमी त्याच्या 'किसी का भाई किसी की जान' या चित्रपटाशी संबंधित आहे.सलमान खानचा मोस्ट अवेटेड चित्रपट 'किसी का भाई किसी की जान' ची टीझर रिलीज डेट समोर आली आहे. सलमानने सोशल मीडियावर ही माहिती शेअर करत एक पोस्ट शेअर केली आहे. यामध्ये सलमान खानचा किलर लूक पाहायला मिळत आहे. पोस्टसोबतच भाईजानने सांगितले की, चित्रपटाचा टीझर २५ जानेवारी २०२३ रोजी रिलीज होणार आहे. पोस्टच्या कॅप्शनमध्ये सल्लूने लिहिले की, “किसी का भाई किसी की जान टीजर अब देखो बड़े पर्दे पर 25 जनवरी को.”
ज्या दिवशी सलमान खानच्या चित्रपटाचा टीझर रिलीज होतोय त्याच दिवशी त्याचा जिवलग मित्र शाहरुख खानचा 'पठाण' चित्रपटही रिलीज होतोय. अशा स्थितीत त्याच्या चाहत्यांना एकाच दिवसात दोन धमाके पाहायला मिळणार आहेत. एकीकडे शाहरुख खानचे चाहते मोठ्या पडद्यावर 'पठाण'चा आनंद लुटतील, तर दुसरीकडे सलमानच्या 'किसी का भाई किसी की जान' या चित्रपटाचा टीझर सल्लूच्या चाहत्यांसाठी भेटवस्तूपेक्षा कमी नसेल.सलमान खानच्या या मोस्ट अवेटेड चित्रपटातून अनेक स्टार्स पदार्पण करणार आहेत. या चित्रपटात सलमानसोबत साऊथ अभिनेत्री पूजा हेगडे दिसणार आहे. याशिवाय पलक तिवारी, शहनाज गिल आणि सिद्धार्थ निगम सलमान खानच्या या चित्रपटातून बॉलिवूडमध्ये पदार्पण करणार आहेत.