Netflix, Jio cinema, Disney+ Hotstar, Amazon सह ZEE5 कोणाचा सब्सक्रिप्शन प्लान कितीला? वाचा एका क्लिकवर

इंडिया : आजकाल अधिकतर लोक हे सिनेमा किंवा टीव्ही सिरियल हे सारंकाही घरबसल्या OTT प्लॅटफॉर्मवर पाहणं पसंत करत आहेत. तसंच आजकाल बरेच सिनेमे हे OTT वरच रिलीज होत असतात. तसंच एकापेक्षा एक वेब सिरीजही OTT वर रिलीज होत आहेत. त्यात नेटफ्लिक्स, प्राइम व्हिडिओ, डिस्नी + हॉटस्टार सारख्या OTT प्लॅटफॉर्मवर, वापरकर्त्यांना वेब सीरिज, चित्रपटांसह स्पोर्ट्स इव्हेंट यांसारखी सर्वप्रकारची एन्टरटेंनमेंट एकाचठिकाणी मिळत आहे. त्यात फीफा वर्ल्डकप, आयपीएल २०२३ सारखे स्पोर्ट्स इव्हेंट लाईव्ह दाखवलेल्या जिओ सिनेमाने देखील आपली सब्सक्रिप्शन सेवा आणली आहे. दरम्यान या सर्व प्रमुख OTT सबस्क्रिप्शनबद्दल आम्ही तुम्हाला आज सांगणार आहोत. प्रत्येक OTT प्लॅटफॉर्म त्यांच्या ग्राहकांना काय ऑफर करतो हे पाहण्यासाठी बाजारातील काही सर्वात लोकप्रिय OTT सब्सक्रिप्शनच्या प्लान्सबद्दल जाणून घेऊ…

सद्यस्थितीला सर्वात प्रसिद्ध आणि बेस्ट ओटीटी सेवा Netflix देत असून त्यांचे विविध प्लान मार्केटमध्ये आहेत. Netflix च्या मोबाईल मासिक प्लानची किंमत १४९ रुपये आहे. तर मंथली योजनेची मूळ किंमत १९९ रुपये आहे. त्याच वेळी, वापरकर्त्यांना आणखी एक अपग्रेडेड प्लान ४९९ रुपयांना मिळत आहे. तसंच प्रीमियम मासिक योजनेसाठी वापरकर्त्यांना ६४९ रुपये द्यावे लागतील. Netflix ची केवळ-मोबाइल योजनेत एका वेळी फक्त एकाच स्मार्टफोनवर शो आणि सिनेमा पाहता येणार आहेत. दुसरीकडे, ४९९ च्या बेसिक प्लानमध्ये, वापरकर्ते कोणत्याही डिव्हाइसवर हवं ते पाहू शकतात. पण एका वेळी एकाच डिव्हाईसवर पाहता येणार आहे. त्यानंतर प्रीमियम प्लानबद्दल बोलायचे झाल्यास, वापरकर्ते 4K पर्यंतच्या रिझोल्यूशनवर ४ वेगवेगळ्या उपकरणांवर आवडते शो आणि सिनेमे पाहू शकतात.

Amazon Prime Video सबस्क्रिप्शन योजना

Amazon Prime Video च्या मासिक सबस्क्रिप्शन प्लानची किंमत २९९ रुपये आहे. तर वार्षिक योजनेसाठी १,४९९ रुपये भरावे लागतील. Amazon Prime Video च्या १,४९९ च्या वार्षिक प्लानमध्ये, वापरकर्ते एकाच वेळी ३ वेगवेगळ्या उपकरणांवर 4K रिझोल्यूशनमध्ये आपले आवडते टीव्ही शो, वेब सिरीज आणि सिनेमे पाहू शकतात.

​Disney+ Hotstar सबस्क्रिप्शन योजना

Disney + Hotstar च्या वार्षिक योजनेसाठी देखील १,४९९ रुपये द्यावे लागतील. त्याच वेळी, १२ महिन्यांच्या सुपर प्लानसाठी (जाहिरातींसह) ८९९ रुपये द्यावे लागतील. Disney+ Hotstar प्रीमियम प्लानसह, वापरकर्ते 4K पर्यंत रिझोल्यूशनमध्ये एकाच वेळी ४ उपकरणांवर हवं ते पाहू शकतात. तर ८९९ रुपयांच्या सुपर प्लॅनसह, वापरकर्ते 1080p रिझोल्यूशनवर शो पाहू शकतात. या प्लानमध्ये, सामग्री एकाच वेळी दोन उपकरणांवर हॉटस्टार पाहता येणार आहे.

ZEE5 OTT सब्सक्रिप्शन

ZEE5 देखील या यादीत असून खास टीव्ही शोसाठी याचं सब्सक्रिप्शन अनेकजण घेत असतात. याचं सब्सक्रिप्शन म्हणाल तर ZEE 5 चे विविध वार्षिक प्लान मार्केटमध्ये सध्या आहेत. यातील मोबाईल प्लान ४९९ रुपये, प्रिमीयम HD ६९९ रुपये आणि प्रिमीयम 4K प्लॅन १,४९९ रुपयांना उपलब्ध आहे. या सर्व प्लान्सची वैधता ही १२ महिने अर्थात एक वर्ष इतकी आहे.

​JioCinema Premium सबस्क्रिप्शन योजना

JioCinema प्रीमियम प्लानची वार्षिक योजना अगदी बेस्ट आहे. या प्लानची किंमत ९९९ रुपये आहे आणि त्याची वैधता एक वर्ष अर्थात १२ महिने इतकी आहे. दरम्यान JioCinema प्रीमियम प्लानसह, वापरकर्त्यांच्या स्मार्टफोन, टॅब्लेट, टीव्ही इत्यादींवर सिनेमा, स्पोर्ट्स इव्हेटं आणि वेब सिरीजची मजा घेता येणार आहे. वापरकर्ते एकाच वेळी ४ उपकरणांवर आपल्या आवडत्या गोष्टी पाहू शकतात. या योजनेसह, वापरकर्ते 4K पर्यंत रिझोल्यूशनमध्ये आपले शो आणि सिनेमे पाहू शकतात.