मुंबई :‘कौन बनेगा करोडपती १४’ हा छोट्या पडद्यावरील सर्वात लोकप्रिय शो आहे. या शोमध्ये स्पर्धक बिग बी अमिताभ बच्चन यांनी विचारलेल्या प्रश्नांची उत्तरं देऊन लाखो रुपये जिंकतात. एक कोटी रुपयांची रक्कमही काही स्पर्धक मिळवतात. हा शो प्रेक्षकांना खुर्चीवर खिळवून ठेवतो. या कार्यक्रमात जसे स्पर्धक येत असतात तसेच कलाकारदेखील येत असतात. या कार्यक्रमात नुकतीच अनुपम खेर आणि बोमन इराणी, नीना गुप्ता या कलाकारांनी हजेरी लावली होती.
या दोन कलाकारांच्या येण्यामागचं प्रयोजन म्हणजे राजश्री प्रॉडक्शनची निर्मिती असलेला मल्टीस्टारकास्ट चित्रपट ‘उंचा’ई हा चित्रपट लवकरच प्रेक्षकांच्या भेटीला येणार आहे. या चित्रपटाच्या प्रमोशनच्या निमित्ताने हे दोन कलाकार कार्यक्रमात आले होते. या चित्रपटात अमिताभ बच्चनदेखील आहेत. सोनी वाहिनीने त्याचा प्रोमो इंस्टाग्राम अकाउंटवर शेअर केला आहे. अमिताभ बच्चन आपल्या मित्रांचे कसे स्वागत करत आहेत, हे व्हिडिओमध्ये दिसत आहे.