मुंबई: बिग बॉस मराठीच्या घरात काल नुकतंच नॉमिनेशन कार्य पार पडलं...आणि अर्थातच नॉमिनेशन झाल्यानंतर नेहमीप्रमाणेच सदस्य एकमेकांवर आगपखड करताना दिसले. नुकत्याच पार पडलेल्या नॉमिनेशन कार्यात घरात राहण्यास अपात्र सदस्यांमध्ये अमृता देशमुख, प्रसाद, अमृता धोंगडे, विकास, अपूर्वा आणि किरण यांची नावे इतर सदस्यांनी नॉमिनेशन प्रक्रियेत दिली आहेत. आता यामधनं कोणत्या सदस्याला बाहेर पडावं लागणार आणि कोण सेफ होणार हे लवकरच कळेल.
नॉमिनेशन कार्य पार पडलं नाही तोवर बिग बॉसच्या घरात मोठा राडा पहायला मिळाला,तो किरण माने आणि प्रसाद यांच्यात. या भांडणाचा प्रोमो सध्या सोशल मीडियावर जोरदार व्हायरल होताना दिसत आहे. यामध्ये प्रसाद किरणला म्हणताना दिसत आहे,'सगळ्यांच्या डिप्रेशनचा ठेका घेतलायस का तू?', त्यावर किरण माने प्रसादला म्हणताना दिसत आहेत,'मी नाही घेतला...पण जे समोर दिसत आहे ते सांगतो आहे. काही विमझिकल लोकांना शनिवारी ठरवून डिप्रेशन येतं आणि रविवारी ते जातं'. त्यावर प्रसाद किरण मानेनां म्हणताना दिसतोय,'तू कोण आहेस ठरवणारा विमझिकल वगैरे? डॉक्टर आहेस का तू?...'बस्स...प्रसाद आणि किरण मानें मध्ये जोरदार वाद रंगलेला दिसला अन् प्रेक्षकांची आजच्या भागाविषयीची उत्सुकता वाढलेली दिसून आली.