मुंबई: बॉलीवूडमध्ये किंग खान शाहरुख हा त्याच्या हटकेपणासाठी ओळखला जातो. अनेकदा हा त्याचा हटकेपणा त्याच्या अंगाशी आल्याचे दिसून आले आहे. शाहरुखचा कोणताही नवा चित्रपट आला की त्याच्यावरुन वाद होतो हे चाहत्यांना नवीन नाही. शाहरुखचा पठाण नावाचा चित्रपट येतो आहे.आमिरचा लाल सिंग चढ्ढा चित्रपट आला होता. त्यावेळी त्याच्या पूर्वीच्या मुलाखती व्हायरल झाल्या होत्या. आपल्याला आता या देशामध्ये काही राहायचे नाही. मी आणि माझी पत्नी किरण दुसऱ्या देशात जाण्याचा विचार करतो आहोत असे विधान आमिरनं केले होते. ते माझ्या पत्नीचे मत होते. मी त्यावर माझी प्रतिक्रिया दिली होती. मात्र नेटकऱ्यांनी आमिरचे ते बोलणे लक्षात ठेवले आणि त्याला चांगलाच धडा शिकवल्याचे दिसून आले आहे.
आमिरच्या त्या वक्तव्याचा परिणाम त्याच्या लाल सिंग चढ्ढावर झाला. त्याला प्रेक्षकांनी बॉयकॉट केले होते. आता शाहरुखला सोशल मीडियावर ट्रोल करण्यात आले आहे. त्याचे झाले असे की. काही दिवसांपूर्वी शाहरुख हा मंदिरामध्ये गेला होता. नेटकऱ्यांना त्याचे मंदिरात जाणे काही पसंत पडले नाही. त्यामुळे नेटकऱ्यांनी त्याचा संबंध हा त्याच्या आगामी पठाण नावाच्या चित्रपटाशी जोडला आहे. शाहरुखच्या पठाणवर बॉयकॉटची मागणी केली आहे.दीपिका आणि शाहरुखवर चित्रित केलेले ते बेशरम गाणे जेव्हा सोशल मीडियावर व्हायरल झाले तेव्हा मात्र नेटकऱ्यांचा राग वाढलेला दिसला. काहींनी तर तिच्या बिकीनिच्या रंगाला देखील विरोध केला आहे. तिनं भगव्या रंगाची बिकिनी परिधान हिंदू बांधवांच्या भावना दुखावल्याचे नेटकऱ्यांनी म्हटले आहे.