मुंबई: टाटा नेक्सॉन ही सध्या कंपनीची सर्वाधिक विक्री होणारी कार आहे. तसेच, ही देशातील सर्वाधिक विक्री होणाऱ्या कारपैकी एक आहे. आता कंपनीने आपल्या नवीन जनरेशन मॉडेलची चाचणी सुरू केली आहे. नवीन 2024 Tata Nexon काही फोटोजही समोर आले आहेत. या नवीन मॉडेलमध्ये कोणते मोठे अपडेट येणार आहेत तसेच या कोणते नवे बदल होणार आहेत ते जाणून घ्या.
मिळेल डिझाईन अपडेट
स्पाय फोटोंच्या माध्यमातून हे कळून येते की 2024 Tata Nexon चं डिझाइन फार अँग्युलर असेल. यात नव्या डिझाइनचं फ्रंट ग्रील आणि बंपर मिळेल. याचे डिझाईन एलिमेंट्स ऑटो एक्स्पोमध्ये प्रदर्शित केलेल्या टाटा कर्व्ह कॉन्सेप्टप्रमाणे असतील. नेक्स्ट जनरेशन नेक्सॉनमध्ये, हुडच्या रुंदीमध्ये कनेक्ट केलेला LED लाइट बार दिला जाऊ शकतो. तीच रचना त्याच्या टेललॅम्प क्लस्टर्समध्ये देखील दिसेल.
इंटीरियरही नवीन मिळेल
नवीन नेक्सॉनचे इंटीरियर देखील नवीन असेल. यात 10.25-इंचाची टचस्क्रीन इन्फोटेनमेंट सिस्टम आणि 7.0-इंचाचा डिजिटल इन्स्ट्रुमेंट क्लस्टर मिळू शकतो. तसेच, यात नवीन 2-स्पोक स्टीयरिंग व्हील देखील दिले जाऊ शकते. हवेशीर आसन, फॅक्टरी फिट इलेक्ट्रिक सनरूफ, ऑटोमॅटिक एसी युनिट आणि 6 एअरबॅग्ज यांसारखी वैशिष्ट्ये देखील यामध्ये पाहता येतील.
अपडेटेड पेट्रोल इंजिन
2024 Tata Nexon ला नवीन 1.2L टर्बोचार्ज केलेले पेट्रोल इंजिन मिळू शकते, जे 125bhp पॉवर आणि 225 Nm टॉर्क जनरेट करण्यास सक्षम असेल. Tata Motors ने 2023 च्या दिल्ली ऑटो एक्सपोमध्ये त्यांची दोन नवीन टर्बो-पेट्रोल इंजिन प्रदर्शित केली. या SUV मध्ये 1.5L डिझेल इंजिन देखील असू शकतं जे 110bhp पॉवर जनरेट करते. यात मॅन्युअल आणि एएमटी गिअरबॉक्सचा पर्याय मिळू शकतो.
नवी नेक्सॉन Hyundai Creta शी करते स्पर्धा
टाटा नेक्सॉनची बाजारात ह्युंदाई क्रेटाशी स्पर्धा होईल. ज्यामध्ये एक डिझेल आणि दोन पेट्रोल इंजिनचा पर्याय उपलब्ध आहे. बाजारात सर्वाधिक विकल्या जाणाऱ्या एसयूव्ही कारपैकी ही एक आहे. या कारची एक्स-शोरूम किंमत 10.68 लाख रुपयांपासून सुरू होते.