सैफ अली खान हा केवळ यशस्वी अभिनेताच नाही तर वैयक्तिक आयुष्यात एक चांगला पिताही आहे. सैफचा 'आदिपुरुष' हा चित्रपट रिलीज होणार आहे, ज्याबद्दल तो खूप चर्चेत आहे. पण आज आपण त्याच्या चित्रपटाबद्दल नाही तर वडील म्हणून त्याच्या जबाबदाऱ्या आणि भूमिकेबद्दल बोलणार आहोत. सैफला सारा, इब्राहिम, तैमूर आणि जेह अशी चार मुले आहेत. तैमूर आणि जेह यांच्यासोबत सारा-इब्राहिमच्या वयात खूप अंतर आहे पण सैफ त्याच्या चार मुलांचे पालनपोषण उत्तम प्रकारे करतो. वडील म्हणून तुम्हीही सैफकडून खूप काही शिकू शकता.
वडिलांच्या अगोदर आहे मित्र
सैफच्या मुलांना जेव्हा त्याची गरज असेल तेव्हा तो त्यांच्यासोबत असतो याची तो कायमच पूर्ण काळजी घेतो. सैफने साराचा पहिला सिनेमा रिलीज होण्यापूर्वी सांगितले होते की, त्याला त्याच्या मुलांसाठी सर्वोत्तम हवे आहे. त्यांनी एका मुलाखतीत सांगितले होते की, काही पालक त्यांच्या मुलांवर त्यांची स्वप्ने पूर्ण करण्यासाठी अपेक्षा ठेवतात पण एक वडील म्हणून त्यांना मुलांवर दबाव आणायचा नाही. मुलांवर जास्त दबाव टाकणे धोकादायक ठरू शकते आणि मुला-पालकांचे नाते बिघडू शकते असेही ते म्हणाले.
मुलांना कायमच करतो प्रोटेक्ट
सैफ आपल्या मुलांचे खूप संरक्षण करतो. स्टारडममुळे, त्यांना असे वाटते की, हे जग त्यांच्या मुलांसाठी कठीण आहे परंतु त्यांना त्यांच्या मुलांचे सेलिब्रिटी जीवनाच्या प्रत्येक नकारात्मक पैलूपासून संरक्षण करायचे आहे.
८ नंतर करत नाही काम
सैफसाठी आपल्या मुलांना पाठिंबा आणि वेळ देणे खूप महत्वाचे आहे. सारा आणि इब्राहिम मोठे झाले आहेत पण त्यांच्या दोन लहान मुलांना अजूनही त्यांची गरज आहे. एका मुलाखतीत सैफने सांगितले की, तो संध्याकाळचे काम लवकर संपवण्याचा प्रयत्न करतो जेणेकरून तो त्याच्या दोन मुलांसोबत थोडा वेळ घालवू शकेल. त्याने असेही सांगितले की, त्याला रात्री 8 नंतर काम करणे आवडत नाही. कारण त्याला वाटते की तो आपल्या मुलांसोबत वेळ घालवू शकणार नाही.
थोडा सपोर्टही महत्वाचा
सैफ आपल्या मुलांशी मैत्रीपूर्ण असण्यासोबतच त्यांच्या प्रत्येक निर्णयात त्यांना पाठिंबा देतो. त्यांचा धाकटा मुलगा जेहला मोठा होण्यासाठी बराच वेळ आहे पण सारा आणि इब्राहिम आता मोठे झाले आहेत. मुलगा इब्राहिमच्या करिअरबद्दल विचारले असता सैफने उत्तर दिले की, त्याला अभ्यासानंतर जे काही करायचे आहे, तो त्याला सपोर्ट करेल.
छोटी गोष्ट पण महत्वाची
जेव्हा त्याच्या मुलांच्या प्रयत्नांना हायलाइट करण्याचा विचार येतो तेव्हा सैफ कोणतीही कसर सोडत नाही. खरं तर, सैफला आपल्या सर्व मुलांचे संगोपन केल्याबद्दल खूप अभिमान आहे. 'केदारनाथ' आणि 'सिम्बा' सारख्या चित्रपटांमध्ये साराच्या उत्कृष्ट अभिनयाबद्दल त्याने सतत प्रशंसा केली आहे. साराच्या संगोपनाचा त्याला खूप अभिमान आहे आणि त्यासाठी त्याची पहिली पत्नी अमृताची प्रशंसा केली. एका मुलाखतीत सैफ म्हणाला होता, “जेव्हा मी सारा घरातल्या स्टाफशी संवाद साधताना पाहतो तेव्हा मला अभिमान वाटतो. ती खूप चांगली वागणारी, चांगली बोलणारी आणि मोहक आहे.