Protein हे शरीरासाठी एक अतिशय महत्वाचे पोषक तत्व आहे जे आपल्या शरीराच्या विकासासाठी, रक्त वाढवण्यासाठी, स्नायू तयार करण्यासाठी आणि शरीराची रचना करण्यासाठी आवश्यक आहे. शरीरातील प्रथिनांची कार्ये म्हणजे स्नायू तयार करणे, रक्तपेशी तयार करणे, शरीराच्या विविध प्रक्रियांमध्ये मदत करणे जसे की शारीरिक विकास, अॅनाबॉलिझम, तत्व शोषण्यास मदत करणे, रोगप्रतिकारक शक्ती मजबूत करणे, शरीराची दुरुस्ती करणे, वजन संतुलित करणे, हाडे तयार करण्यास मदत करणे इत्यादी होय.
शरीरात प्रथिनांच्या कमतरतेमुळे अशक्तपणा आणि थकवा जाणवणे, त्वचा, नखे आणि केसांच्या समस्या सतावणे, वजन कमी होणे, भूक न लागणे, शाररीक विकासात अडथळा होणे, कमकुवत रोगप्रतिकारक शक्ती आणि महिलांमध्ये मासिक पाळीत अनियमितता यासारख्या गंभीर समस्या उद्भवू शकतात. Detoxpri च्या फाऊंडर अँड होलिस्टिक न्यूट्रिशनिस्ट प्रियांशी भटनागर म्हणतात की यांच्या मते, अनेकांना हा गैरसमज असतो की चिकन, अंडी, मांस किंवा मासे यासारखे मांसाहारी पदार्थ हेच प्रथिनांचे मुख्य स्त्रोत आहेत परंतु तसे नाही. रोज खाल्ल्या जाणाऱ्या काही भाज्यांमध्ये प्रथिनांचे प्रमाण चांगले असते.
सोयाबीन
सोयाबीन हा एक उत्कृष्ट शाकाहारी प्रथिन स्त्रोत आहे जो संपूर्ण प्रथिने, आवश्यक अमीनो ऍसिडस्, जीवनसत्त्वे, खनिजे आणि फायबर प्रदान करतो. ही प्रत्येक घरात वापरली जाणारी भाजी आहे आणि ती अनेक प्रकारे तयार केली जाऊ शकते. सोयाबीन पासून डिश बनवण्यासाठी तुम्ही सोयाबीन करी, सोयाबीन चाट, सोयाबीन कबाब इत्यादी तयार करू शकता.
वाटाणे
वाटाणे हे देखील प्रथिनांचे उत्तम स्रोत आहेत. यामध्ये प्रथिनेही चांगल्या प्रमाणात आढळतात. वाटाणे खाल्ल्याने त्यातील प्रथिने शरीराला अधिक फायदे मिळवून देतात. म्हणूनच, आपल्या आहारात मटारचा समावेश अवश्य करावा असे जाणकार देखील सांगतात.
दुधी भोपळा
दुधी भोपळा मध्ये प्रथिने आणि जीवनसत्त्वे देखील भरपूर असतात. कोशिंबीर, भाजी किंवा कडधान्य मध्ये दुधी भोपळा टाकून खाल्ल्यास जास्त प्रथिने मिळतील. सर्वात चांगली गोष्ट म्हणजे त्यात फायबरचे प्रमाणही जास्त असते आणि पाण्याचे प्रमाणही खूप जास्त असते.
ब्रोकोली
ब्रोकोलीमध्ये प्रोटीनचे प्रमाणही चांगले असते. याची भाजी किंवा सूप बनवून खाल्ल्याने तुम्हाला प्रथिने आणि जीवनसत्त्वे मिळतात. हे फायबर आणि जीवनसत्त्वे यांचाही उत्तम स्रोत आहे.
पालक
पालकामध्ये प्रोटीन आणि फोलेट देखील मुबलक प्रमाणात असते. याची भाजी किंवा सूप बनवून खाल्ल्याने तुम्हाला उच्च प्रथिने मिळतात. लोह आणि मॅग्नेशियमचा देखील पालक एक चांगला स्रोत आहे.
ब्रसेल्स स्प्राउट्स
ब्रसेल्स स्प्राउट्स लहान असू शकतात, परंतु ते प्रथिने, फायबर आणि इतर अनेक पोषक तत्वांनी समृद्ध असतात. ते भाजून खाल्ल्याने त्यांची चव स्वादिष्ट लागते.
हाथी चक किंवा आटिचोक
आटिचोक किंवा हत्ती चक हे केवळ प्रथिनांचा एक चांगला स्रोतच नाही तर ते अँटिऑक्सिडंट्स आणि फायबरने देखील समृद्ध आहे. चवदार आणि पौष्टिक जेवणासाठी ते उकडलेले, ग्रील्ड किंवा भाजून खाल्ले जाऊ शकतात.
मशरूम
मशरूममध्ये कॅलरीज कमी असतात परंतु तरीही ते प्रथिने योग्य प्रमाणात देतात. ते स्टिअर फ्राईपासून पास्ता सॉसपर्यंत विविध पदार्थांमध्ये वापरले जाऊ शकतात. यातून शरीराला मोठे पोषण मिळते.