सध्याच्या घडीला भारतातील आघाडीचं मोबाईल नेटवर्क म्हणाल तर Reliance Jio. एअरटेल आणि जिओ या दोनच कंपन्या सध्या 5G सेवा पुरवत असल्याने दोन्हीचं मार्केट अप आहे. त्यात जिओ जास्तच चांगली कामगिरी करत असून आता या नेटवर्कने देशात आपल्या 7 व्या वर्धापन दिनानिमित्त ग्राहकांसाठी नवीन ऑफर जाहीर केल्या आहेत. जिओने आज (५ सप्टेंबर) नवीन फायद्यांची माहिती देणारे एक प्रकाशन जारी केले आहे. रिलायन्स जिओ ग्राहकांना कोणतेही अतिरिक्त पैसे न देता तीन रिचार्ज प्लानमध्ये अतिरिक्त डेटा आणि फायदे देत आहे. चलातर याबद्दल जाणून घेऊ...
या तीन रिचार्ज प्लानमध्ये मिळेल खास ऑफर्स
जिओच्या २९९ रुपये, ७४९ रुपये आणि २९९९ रुपयांच्या प्लानमध्ये अतिरिक्त डेटा दिला जात आहे. हे प्लान अनुक्रमे २८ दिवस, ९० दिवस आणि ३६५ दिवसांच्या वैधतेसह येतात. ग्राहकांना २९९ रुपयांच्या प्लॅनमध्ये ७ जीबी, ७४९ रुपयांच्या प्लॅनमध्ये १४ जीबी आणि २९९९ रुपयांच्या प्लॅनमध्ये एकूण २१ जीबी अतिरिक्त डेटा मोफत दिला जात आहे.
ऑफर मर्यादित काळासाठीच
पण महत्त्वाची गोष्ट म्हणजे या खास ऑफरचा लाभ फक्त ५ ते ३० सप्टेंबर २०२३ दरम्यानच घेता येणार आहे. म्हणजेच जिओच्या वर्धापनदिनानिमित्त लाँच करण्यात आलेली ही ऑफर मर्यादित कालावधीसाठी आहे. तर Jio च्या या रिचार्ज प्लानमध्ये उपलब्ध असलेले अतिरिक्त फायदे रिचार्ज केल्यानंतर लगेचच ग्राहकाच्या MyJio खात्यात जमा होतील.
रिलायन्स जिओचा २९९ रुपयांचा प्लान
रिलायन्स जिओच्या २९९ रुपयांच्या प्लानमध्ये दररोज २ जीबी डेटा मिळतो. या प्लानमध्ये अनलिमिटेड व्हॉईस कॉलची सुविधा आहे. या पॅकमध्ये ग्राहक दररोज १०० एसएमएसचा लाभ घेऊ शकतात. या प्लानची वैधता २८ दिवसांची आहे.
ग्राहकांना अतिरिक्त मोफत डेटा 7GB च्या डेटा व्हाउचरच्या स्वरूपात मिळेल जो रिचार्ज केल्यानंतर लगेच त्यांच्या MyJio खात्यात जमा होईल.
रिलायन्स जिओचा ७९९ रुपयांचा प्लान
रिलायन्स जिओच्या ७९९ रुपयांच्या प्लानमध्ये कंपनी दररोज २ जीबी डेटा देते. या प्लानमध्ये ग्राहक अनलिमिटेड व्हॉईस कॉल्स आणि दररोज १०० एसएमएस वापरू शकतात. प्लानची वैधता ९० दिवसांची आहे. Jio 7 व्या वर्धापन दिन सेलिब्रेशन ऑफर अंतर्गत, कंपनी या रिचार्जवर ग्राहकांना 14 GB अतिरिक्त डेटा देत आहे. हा डेटा ग्राहकाच्या MyJio खात्यात प्रत्येकी 7 GB च्या 2 कूपनच्या स्वरूपात जमा केला जाईल.
रिलायन्स जिओचा २,९९९ रुपयांचा प्लान
रिलायन्सच्या या वार्षिक प्लॅनमध्ये ग्राहकांना दररोज २.५ जीबी डेटा दिला जातो. या प्लॅनची वैधता ३६५ दिवसांची आहे. या रिचार्ज पॅकमध्ये ग्राहक अमर्यादित व्हॉइस कॉल आणि १०० एसएमएस प्रतिदिन वापरू शकतात. रिलायन्स जिओच्या या पॅकमध्ये २१ जीबी अतिरिक्त डेटा उपलब्ध आहे. हा डेटा प्रत्येकी 7 GB च्या 3 कूपनच्या स्वरूपात उपलब्ध असेल. या प्रीपेड प्लॅनमध्ये AJIO चे 200 रुपयांचे कूपन, Netmeds वर 20 टक्के सूट (रु. 800 पर्यंत), Swiggy वर 100 रुपये सूट, Rs 149 किंवा त्याहून अधिक किमतीच्या खरेदीवर मोफत McDonald's जेवण, Reliance Digital वर 10 टक्के सूट या ऑफरचाही समावेश आहे.