आतापर्यंत तुम्ही Google Map चा वापर नेव्हिगेशनसाठी करत होता परंतु आता नवीन फीचर देखील ह्यात जोडण्यात आलं आहे. वेळावेळी गुगल अनेक फीचर्स अ‍ॅप मध्ये अ‍ॅड करत असतं. ह्या लिस्टमध्ये फ्यूल सेव्हिंग फीचरचा देखील समावेश आहे. परंतु आधी हे फीचर फक्त अमेरिकेत उपलब्ध होतं. तिथे सप्टेंबर २०२२ मध्ये हे अ‍ॅड करण्यात आलं होतं. कॅनडा, अमेरिका आणि युरोपनंतर अखेरीस भारतात देखील फीचर सादर करण्यात आलं आहे.
फ्युल सेव्हिंग फिचर म्हणजे काय?
हे फीचर फ्यूल किंवा एनर्जीचा एक अंदाज देतं. म्हणजे एका मार्गावर तुमचा किती फ्यूल वापरला जाणार आहे ह्याचा अंदाज गुगल मॅप त्या रस्त्यातील ट्रॅफिक आणि रोडची कंडीशन ह्यावरून लावतो. त्यानंतर एक दुसरा मार्ग देखील दाखवला जातो आणि सांगितलं जातं की तिथे ट्रॅफिक आहे, किती फ्यूल लागेल. त्यानंतर युजर ठरवेल की त्याला कोणता रूट फॉलो करायचा आहे.
जर तुम्ही हे फीचर बंद केलं तर मॅपमध्ये एकच मार्ग दिसेल जो युजर फॉलो करू शकतात, परंतु त्यात फ्यूल आणि एनर्जी रेकमेंडेशन दिले जाणार नाहीत. विशेष म्हणजे फ्यूल आणि एनर्जीचा अंदाज गाडीच्या इंजिनवर मोठ्याप्रमाणावर अवलंबून असतो तो सिलेक्ट करण्याचा पर्याय देखील ह्या फिचरमध्ये देण्यात आला आहे. सध्या ग्रीन लीफ सह हे फीचर दिलं जात आहे. पुढील स्टेप्स फॉलो करून तुम्ही दर महिन्याला २ हजार पर्यंतच्या पेट्रोल किंवा डिझेलची बचत करू शकता, असा दावा करण्यात आला आहे.
फीचर अ‍ॅक्टिव्हेट करण्यासाठी फॉलो करा ह्या स्टेप्स
- स्मार्टफोनमध्ये गुगल मॅप अ‍ॅप ओपन करा
- प्रोफाईल पिक्चरवर क्लिक करासेटिंग्स मध्ये जा आणि नेव्हिगेशनवर टॅप करा
- 'रूट ऑप्शन' स्क्रोल करा
- इको-फ्रेंडली रूट टर्न ऑन करण्यासाठी, फ्यूल एफिशिएंट रूट्सवर क्लिक करा
- इथे तुम्हाला इंजिन टाइप ऑप्शन देखील दिसेल त्यावर क्लिक करून तुम्ही बदल करू शकता किंवा नवीन पर्याय निवडू शकता.