दक्षिण आफ्रिकेविरुद्ध सुरू असलेल्या दुसऱ्या टी-२० सामन्यात भारतीय कर्णधार सूर्यकुमार यादव जबरदस्त फॉर्ममध्ये दिसत होता. सामन्यादरम्यान तो भारतात नाही तर आफ्रिकेच्या फलंदाजीसाठी कठीण असणाऱ्या खडतर पिचवर फलंदाजी करत आहे, असे कधीच वाटले नाही. टीम इंडियासाठी चौथ्या क्रमांकावर फलंदाजी करताना त्याने १५५.५६ च्या स्ट्राईक रेटने ३६ चेंडूत ५६ धावां करत शानदार अर्धशतक झळकावले. यादरम्यान त्याच्या बॅटमधून पाच चौकार आणि तीन उत्कृष्ट षटकार पाहायला मिळाले. पण या खेळीसह सूर्याने आपल्या नावे एक दमदार कामगिरी नोंदवली आहे.
या सामन्यादरम्यान सूर्यकुमार यादवने विशेष कामगिरी केली. दक्षिण आफ्रिकेविरुद्ध टी-२० फॉरमॅटमध्ये कर्णधार म्हणून त्यांच्या भूमीवर सर्वाधिक मोठी खेळणारा तो पहिला भारतीय कर्णधार ठरला आहे. त्याच्या आधी देशाचा माजी कर्णधार एमएस धोनीच्या नावावर ही खास कामगिरी नोंदवली गेली होती.
१६ वर्षांपूर्वी म्हणजेच २००७ मध्ये आफ्रिकन भूमीवर माहीने कर्णधार म्हणून ४५ धावांची इनिंग खेळली होती. मात्र, आता सूर्यकुमार यादवने महेंद्रसिंग धोनीला मागे टाकले आहे. दुसऱ्या टी-२० मध्ये कर्णधार म्हणून त्याने ५६ धावांचे शानदार अर्धशतक झळकावले. हे त्याच्या टी-२० आंतरराष्ट्रीय क्रिकेट कारकिर्दीतील १७वे अर्धशतक होते.
टी-२० मध्ये जलद २००० धावा पूर्ण
पोर्ट एलिझाबेथमध्ये खेळल्या गेलेल्या उत्कृष्ट खेळीमुळे सूर्यकुमार यादवने टी-२० फॉरमॅटमध्ये २००० धावा पूर्ण केल्या आहेत. हा टप्पा गाठण्यासाठी त्याला ५६ डाव लागले. सूर्यकुमार यादवच्या आधी विराट कोहलीनेही ५६ डावांमध्ये ही खास कामगिरी केली होती. या दोन फलंदाजांशिवाय पाकिस्तानचा माजी कर्णधार बाबर आझम आणि यष्टीरक्षक फलंदाज मोहम्मद रिझवान यांनी ५२ डावांमध्ये ही कामगिरी केली होती.