मुंबई: इंडियन प्रीमियर लीग (आयपीएल) चीच चर्चा सर्वत्र आहे. गुरुवारी शाहरुख खान त्याच्या टीम केकेआरला सपोर्ट करण्यासाठी ईडन गार्डन्सवर पोहोचला, जिथे त्याची मुलगी सुहाना खानही टीमला सपोर्ट करताना दिसली.त्या सामन्यात कोलकाता नाइट रायडर्सने रॉयल चॅलेंजर्स बंगळुरूचा 81 धावांनी पराभव केला. या सामन्यात कोलकाताने प्रथम फलंदाजी करताना सात गडी गमावून 204 धावा केल्या.
बॉलीवूडचा बादशाह अर्थात शाहरुख खानही या सामन्यात टीमला चिअर करण्यासाठी पोहोचला होता. सामना संपल्यानंतर बॉलिवूडचा बादशाह क्रिकेटचा बादशाह विराट कोहलीला भेटला. यानंतर दोघांनीही शाहरुखच्या पठाण, झूम जो पठाण या चित्रपटाच्या गाण्यावर जबरदस्त डान्स केला.सामना संपल्यानंतर शाहरुख खान स्वतः विरोधी संघाचा स्टार फलंदाज विराट कोहलीला भेटायला पोहोचला. दोघांची भेट होताच शाहरुख खानच्या चित्रपटातील गाणे वाजू लागले. यानंतर कोहली आणि शाहरुखने डान्स करायला सुरुवात केली. यावेळी कोहलीच्या पायाला दुखापत झालेली होती तरीही त्याची चिंता न करता दोघेही बराच वेळ हसताना आणि डान्स करताना दिसले.
शाहरुख खान आणि विराट कोहली यांच्यातील फोटोंमध्ये खूप चांगली बाँडिंग पाहायला मिळाली. याआधीही दोघांना अनेक वेळा एकत्र पाहिले गेले आहे. शाहरुख खान फक्त विराटचाच नाही तर त्याची पत्नी अनुष्कासोबतही चांगला मित्र आहे.त्याच झालं असं की गेल्या काही दिवसांपासून शाहरुख आणि विराटच्या चाहत्यांमध्ये वाद विवाद सुरु होते. दोघांचे चाहते ट्विटवर दोघांच्या विरोधात ट्विट करत होते आणि विराट आणि शाहरुखची तुलना करत होते.त्यामुळे शाहरुख आणि विराटमध्ये काहीतरी बिनसलं आहे का अशी चर्चाही सुरु झाली होती मात्र आता शाहरुख आणि विराटचा ही मजामस्ती करतांनाचा व्हिडिओ व्हायरल झाल्यांनतर त्याचे चाहते शांत बसले आहेत आणि दोघांच कौतुक करत आहेत.